Կքննադատենք առանց թշնամանքի. Գ. Պետրոսյան

մարտի 14, 2019

Հարցազրույց ԱԺ ԲՀԿ խմբակցության անդամ Գևորգ Պետրոսյանի հետ:

Ժ 2-րդ նստաշրջանի հերթական նիստի օրակարգում նախագծերն այնքան քիչ էին, որ բովանդակային քննարկում գրեթե չեղավ. ընդամենը 2 նախագիծ՝ ընդդիմության կողմից. սա նշանակում է կառավարությունը լավ չի՞ աշխատել:

էի ասի` կառավարությունը չի աշխատում, որովհետև նիստեր է գումարում, որոշումներ ընդունում, բայց թե ինչու էր օրակարգը այդքան թեթև, չեմ կարող ասել: Կարծում եմ`խնդիր կա: Չասեմ՝ ներողամիտ, բայց փորձենք ըմբռնումով մոտենալ այս վիճակին՝ հուսով, որ կշտկվի: Այսուհանդերձ, եթե ԱԺ օրակարգում կա ընդամենը երկու օրինագիծ, ապա այստեղ կա նաև կառավարության թերացումը:

-ԱԺ նախագահ Արարատ Միրզոյանը հայտարարեց, որ օրակարգի բովանդակությունը պայմանավորված է օբյեկտիվ պատճառներով, մասնավորապես, ընտրություններից հետո աշխատելու ժամանակ չի եղել:    Համամիտ չե՞ք:

-Ոչ, ես այդ կարծիքը չեմ կիսում, քանի որ կառավարությունը, անկախ ընտրություններից, գործել է, ի տարբերություն Ազգային ժողովի: Կառավարությունը մշտապես գործող մարմին է և պետք է նախաձեռնող լինի հիմնական մարտահրավերների լուծման հարցում: Ես այստեղ Ազգային ժողովի մեղքը չեմ տեսնում:

նդդիմադիր խմբակցությունները ներկայացվել էին օրինագծեր, որոնք մերժվեցին: դուք էլի ներկայացրել էիք նախագիծ՝ «Արհմիությունների մասին» օրենքում փոփոխությունների մասին: Ինչ՞ու այն մերժվեց:

-Այո, իմ օրինագծերը մեկը մյուսի հետևից ջանասիրաբար մերժվում են առանց հիմնավոր պատճառաբանությամբ: Տպավորություն է, թե չի գիտակցվում`ինչի մասին է խոսքը: Երբ անհատ պատգամավորների հետ, այդ թվում նաև իշխող ուժից, խոսում ես, նրանք ընդունում են քո ասածը, բայց թե ինչու է խմբակցությունը քվեարկում դեմ, անհասկանալի է: Ես հիմքեր ունեմ մտածելու, որ որևէ մարդ, որևէ բան չի հասկացել ու ապատեղեկատվություն տարածելով ձախողել է նախագծի ընդունումը: Օրինակ, Արեն Մկրտչյանը՝ իմ ներկայացրած «Արհմիությունների մասին» օրենքում փոփոխություններ առաջարկող նախագծի մասին:

-Արեն Մկրտչյանն իր ելույթում ասաց՝ Դուք առաջարկում եք, որ գործարանները միավորվեն ու ստեղծեն արհմիություններ: Նա նաև իր խոսքում ակնարկեց Գագիկ Ծառուկյանին`թվարկելով այն բոլոր գործարանները, որոնք առնչություն ունեն Ծառուկյանի հետ:

-Մենք ակնարկներով չենք ուղղորդվում: Եթե նա ունի ասելիք, պետք է կոնկրետ հասցեատերեր նշի: Եթե անգամ այդ ակնարկը հիմք ընդունենք, կարող ենք պնդել, որ այդ պատգամավորը բացարձակապես չի տիրապետում արհմիությունների ինստիտուտին: Մենք առաջարկում էինք, որ արհմիություններ ստեղծեն ոչ թե գործարանները, այլ աշխատողները` ֆիզիկական անձինք:

-Կա՞, Ձեր դիտարկմամբ, լարվածություն ընդդիմության և իշխանության միջև:

-Ես չեմ կարող այս ամենը վերագրել ընդդիմություն-իշխանություն լարվածությանը: Ի վերջո, կարող է լինել լարվածություն, բայց դա չպետք է որոշվի կարևոր շահերի հաշվին: Այս պահին լարվածություն չեմ տեսնում:

-Հավատո՞ւմ եք իշխող խմբակցության այն հայտարարություններին, որ պատրաստ են համագործակցել ընդդիմադիր պատգամավորների հետ, ընդունել նրանց օրինագծերը:

-Մենք ուզում ենք հավատալ, որ նրանք փորձում են համագործակցել խորհրդարանական ընդդիմության հետ: Բայց, ինչպես ասում են, գնդակը նրանց դաշտում է: Հետագա գործողությունները ցույց կտան՝ իսկապե՞ս ցանկություն ունեն համագործակցելու, դա ընդամենը հասարակությանը կերակրելու փորձ է:

-Կառավարության կառուցվածքի և գոծունեության մասին օրինագիծը դեռ խորհրդարանում չէ: Ինչո՞ւ է, Ձեր կարծիքով, ուշանում նախագիծը:

-Այդ հարցի հասցեատերը կառավարությունն է: Եթե այդ նախագծով օպտիմալացվող կառույցների գործունեությունը աննպատակահարմար էր, ապա նրանք պետք է օր առաջ այդ հարցը լուծեին: Բայց կառավարությունը երևի տեսնում է, որ հանրության մեծամասնությանը չի կարողանում համոզել իր տեսակետի հավաստիության մեջ, հավանաբար փորձում է օպիմալ լուծումը գտնել:

-Այս պահի դրությամբ ունե՞ք դիրքորոշում այդ օրինագծի վեաբերյալ:

-Ես կարծում եմ՝ մեր երկրին պետք է և՛ մշակույթի նախարարություն, և՛ Սփյուռքի նախարարություն: Բայց քանի որ նախագիծը հանձնված չէ մեր դատին, ես ավելորդ կհամարեմ դատողություններ անելը. երբ լինի նախագիծը և լինի քննադատության տեղ, մենք առանց թշնամանքի դա կանենք: