Ուրախ կլինեմ, եթե Աննա Մարգարյանը կրկին առաջադրվի. Հ. Տիգրանյան

հուլիսի 7, 2019

Հարցազրույց ԱԺ «Իմ քայլը» խմբակցության պատգամավոր Հերիքնազ Տիգրանյանի հետ

-Ի՞նչ կարևոր փոփոխություններ են սպասվում հակակոռուպցիոն գործընթացների շրջանակում:

-Հակակոռուպցիոն գործընթացներին առնչվող մի քանի պրոցես է ընթանում: Նախորդ շաբաթ, եթեհիշում եք, ԱԺ-ն առաջին ընթերցմամբ ընդունեց ԱԺ նախագահԱրարատ Միրզոյանի ներկայացրած փոփոխությունների փաթեթը, համաձայն որի փոխվում է Կոռուպցիայի կանխարգելման հանձնաժողովի ձևավորման կարգը: Փոխվեցին նաև հանձնաժողովի անդամներին ներկայացվող պահանջները: 2018-ից Բարձրաստիճան պաշտոնատար անձանց էթիկայի հանձնաժողովի հիման վրա պետք է ձևավորվերԿոռուպցիայի կանխարգելման հանձնաժողովը, բայց ավելի քան մեկ տարի է՝ կառույցը չի ձևավորվել: Ձևավորման այն մեխանիզմը, որը կար, շատ բարդ էր ու ժամանակատար՝ 45 օրում հնարավոր չէր ստեղծել մրցույթային խորհուրդ, որը կգրեր աշխատակարգ ու թեկնածու կներկայացներ ԱԺ-ին: Առաջին ընթերցմամբ ընդունված նախագծով հանվեց մրցույթային խորհուրդը, փոխարենը ԱԺ կառավարող և ընդդիմադիր խմբակցությունները, կառավարությունը և ԲԴԽ-ն տալիս են Կոռուպցիայի կանխարգելման հանձնաժողովի անդամի՝ իրենց թեկնածությունները: Նրանց, ընտրության միջոցով, նշանակում է Ազգային ժողովը: Մեկ այլ փոփոխությամբ՝ իջեցվեց 10 տարվա աշխատանքային ստաժ ունենալու պահանջը՝ դառնալով 5: Կոռուպցիայի կանխարգելման հանձնաժողովին տրվեցին որոշ լիազորություններ հակակոռուպցիոն ծրագրերի մոնիթորինգի և գնահատման հետ կապված, ինչպես նաև հանրային ծառայության պաշտոնում հավակնողի ու գործող դատավորի բարեվարքության եզրակացություն ներկայացնելու իրավասություն:

-Այսինքն՝ Կոռուպցիայի կանխարգելման հանձնաժողովը ևս վեթի՞ն գ է իրականացնելու:

-Ոչ թե վեթինգ, այլ եզրակացություն, որը խորհրդատվական բնույթի ակտ է: Այսինքն, հանձնաժողովը ներկայացնում է իր դիրքորոշումը տվյալ անձի բարեվարքության մասին, օրինակ՝ դատավորների դեպքում կտա եզրակացություն գործող դատավորների բարեվարքության մասին, իսկ հետագայում՝ հանրային ծառայողի պաշտոնում նշանակվողների: Պետք է հանձնաժողովը պարզի՝ արյդո՞ք տվյալ անձը ունի բիզնես շահեր, ունի՞ շահերի բախում, գույքի օրինականության հետ կապված խնդիրներ և այլն:

-Ձեզ ներկայացմամբ՝ թվում է ամեն ինչ լավ է, բայց խորհրդարանական ընդդիմությունը դեմ էր այս նախագծին: Ինչպե՞ս եք պատկերացնում հետագա աշխատանքը անհամաձայնության մթնոլորտում:

-Ընդդիմության մեղադրանքները տարբեր էին: Կոռուպցիայի կանխարգելման հանձնաժողովին տրվում են բարեվարքության գնահատման մեխանիզմներ, ինչը նշանակում է, որ այդ հանձնաժողովը, իսկ դատավորների պարագայում՝ ԲԴԽ-ն, կիրա կանացնեն բարեվարքության գնահատում կամ որ նույնն է՝ վեթինգ: Ընդդիմությունն ասում է, որ դա լավագույն միջոցը չէ, և վեթինգ կարելի է անել ինստիտուցիոնալ այլ կառույցի միջոցով: Սա իրավական քննարկման հարց է: Ես հակված եմ, որ վեթինգն իրականացվեր այլ կառույցի միջոցով, որը կձևավորվեր այսօր արդեն մեծ լեգիտիմություն ունեցող ԱԺ-ի կողմից ու կմշակվեի նոր չափորոշիչներ: Քննարկման հարց է: Մյուս դժգոհությունը, որ ուներ ընդդիմությունը, հանձնաժողովի ձևավորման մեխանիզմն էր:Բողոքում էիրն, թե ինչո՞ւ պետք է ընդդիմադիր ֆրակցիաները մեկ միասնական թեկնածու առաջադրեն: Իրենք ուզում էին, որ յուրաքանչյուր ֆրակցիա ներկայացնի մեկ թեկնածու:

-Տիկին Տիգրանյան, փաստորեն, Դուք համաձա՞յն եք ԼՀ-ի առաջարկին, որ վեթինգ իրականացնող մարմինը լինի առանձին կառույց:

-Անկեղծ ասած, ես միշտ այդպես եմ պատկերացրել այդ մեխանիզմը: Իմ պատկերացումներում այդպես է եղել, ես ուսումնասիրել եմ տարբեր երկրների փորձը: Միանշանակ ասել, որ առանձին մարմնի դեպքում ինստիտուտի արդյունավետ գործունեությունը երաշխավորված է, հնարավոր չէ: Կարծում եմ, որ Ազգային ժողովի կողմից առանձին մարմնի ձևավորմամբ է հարմար իրականացնել վեթինգի գործընթացը: Վեթինգ իրականացնելու համար առանձին մարմին ունենալու հիմնական հակափաստարկը այդ մարմնի սահմանադրականությունն էր: Մենք գնալու ենք այն ճանապարհով, որի մասին ասել է մեր խմբակցության ղեկավարը. վեթինգը իրականացնելու է Բարձրագույն դատական խորհուրդը:

-Հանրային քննարկման է դրված Հակակոռուպցիոն ռազմավարության նախագիծը, որով ՀՔԾ-ն փաստորեն լուծարվելու է: Ինչպե՞ս եք դրան վերաբերվում:

-Այո, ՀՔԾ-ն լուծարվելու է: Այս պահին իրավապահ մի քանի կառույցներում ունենք կոռուպցիայի դեմ պայքարի բաժիններ, ինչը նշանակում է, որ միասնական մարմին չունենք: Այս առումով ողջունելի է այդ ծրագիրը. Կոռուպցիայի դեմ պայքարի շրջանակում վարույթ իրականացնող բաժինները անջատվում են իրավապահ մարմիններից ու դրանց հիման վրա ստեղծվում է մեկ՝ Հակակոռուպցիոն կոմիտե: Այս մարմնում կքննվեն բացառապես կոռուպցիոն գործերը: ՀՔԾ-ի լուծարումից որևէ գործողություն չի տուժելու:

-Նույն ռազմավարությունը նաև հակակոռուպցիոն մասնագիտացված դատարանների ստեղծման հնարավություն է նախատեսում:

-Այո, Սահմանադրությամբ նախատեսվում են մասնագիտացված դատարաններ: Եթե դատավորների վեթինգ է իրականացվում, գուցե իրենց պաշտոնում ստուգված դատավորների ինչ-որ մի թիմ առանձնանա որպես կոռուպցիոն գործեր քննող դատավորներ, և առանձին դատարաններ ստեղծելու անհրաժեշտություն էլ չլինի: Քննարկման հարց է:

-Ի՞նչ եք ակնկալում այս պրոցեսների արդյունքում, կոռուպցիայից զերծ երկի՞ր:

-Ես ակնկալում եմ առաջին հերթին օրենսդրական և ինստիտուցիոնալ բազայի առկայություն, կոռուպցիայի դեմ պայքարի իրական կամք, որն արդեն իսկ կա, և կոռուպցիայի ընկալման համաթվի բարելավում, որը վերջին տարիներին լավը չէ:

-ԲԴԽ ադամի ընտրության մասին. կա՞ր ներքին որոշում Աննա Մարգարյանի թեկնածությունը տապալելու:

-Իհարկե, ոչ, որովհետև հենց ներքին որոշմամբ էր Աննա Մարգարյանը առաջադրվել: Վստահ էինք, որ նա պրոֆեսիոնալ է, և ընդդիմությունը նույնպես կողմ կքվեարկի: Ամեն դեպքում, ես համոզված եմ, որ մեր խմբակցության բոլոր ներկա անդամները կողմ են քվեարկել Աննա Մարգարյանի թեկնածությանը:

-Դո՞ւք էլ եք կարծում, որ Մարգարյանը չընտրվեց տեխնիկական պատճառներով:

-Այո: Մենք վստահ էինք, որ մեր ընդդիմադիր գործընկերները չեն կարող Աննա Մարգարյանի նման թեկնածուին դեմ քվեարկել, բայց, ցավոք, քվեարկեցին, և գործուղման մեջ գտնվողների բացակայությունը վատ անդրադարձավ ընտրության արդյունքների վրա:

ամուլը գրեց, թե թեկնածուն դեմ է արտահայտվել վեթինգ բառի կիրառմանը, դատարանների արգելափակմանը և դրա պատճառով էլ չի ընտրվել:

ենք շատ լավ ծանոթ էինք Աննա Մարգարյանի տեսակետներին, գիտենք իր սկզբունքայնությունը, դիրքորոշումը և հենց այդ սկզբունքայնության համար էինք առաջադրել նրա թեկնածությունը: Առաջարկ նրան արել ենք մի քանի անգամ՝ իմանալով հանդերձ, որ սկզբունքային է, չի փորձի հաճոյանալ իշխանություններին: Նա մեզ համար ցանկալի թեկնածու էր, և այդ մեկնաբանությունները հիմնավոր չեն:

-Հնարավո՞ր է ևս մեկ անգամառաջարկեք նրա թեկնածությունը:

-Այս պահին խմբակցությունը պաշտոնական որևէ դիրքորոշում չունի, բայց եթե որոշենք առաջարկել, ու համաձայնի, ես շատ ուրախ կլինեմ: