Մոնիտորինգ

• 

  ԱԺ-ում քննիչ հանձնաժողով ստեղծվեց. նախաձեռնողը ընդդիմադիր ՀՀԿ-ն է

  Ազգային ժողովի ՀՀԿ խմբակցության նախաձեռնությամբ և իրավունքի ուժով առաջին անգամ Ազգային ժողովում ստեղծվել է քննիչ հանձնաժողով: ԱԺ Կանոնակարգ սահմանադրական օրենքի համաձայն` քննիչ հանձնաժողովը ստեղծվում է պատգամավորների ընդհանուր թվի առնվազն մեկ քառորդի պահանջով՝ ԱԺ-ի իրավասության մեջ մտնող և հանրային հետաքրքրություն ներկայացնող հարցերին վերաբերող փաստերը պարզելու և դրանք Ազգային ժողովին ներկայացնելու համար: Քննիչ հանձնաժողով ստեղծելու առիթը նախօրեին համացանցում տարածված ԱԱԾ և ՀՔԾ պետերի գաղտնալսված հեռախոսազրույցն էր: Մանրամասն

  • ԱԺ կանոնակարգ
• 

  Գաղտնալսված հեռախոսազրույցից մինչև ԼՂ հակամարտություն. ԱԺ-կառավարություն հարցուպատասխան

  4-րդ նստաշրջանի ԱԺ-կառավարություն առաջին հարցուպատասխանի նախօրեին համացանցում հրապարակվել էր ԱԱԾ և ՀՔԾ ղեկավարների գաղտնալսված հեռախոսազրույցը, որում Արթուր Վանեցյանը և Սասուն Խաչատրյանը քննարկում են երկրորդ նախագահ Ռոբերտ Քոչարյանի, ՀԱՊԿ գլխավոր քարտուղար Յուրի Խաչատուրովի նկատմամբ կիրառված խափանման միջոցին վերաբերող հարցեր: Ձայնագրության բովանդակությանը հանրապետական պատգամավորներն արձագանքել էին կոշտ գնահատականներով: Մանրամասն

  • կառավարություն
• 

  Հեղափոխությունը շարունակվում է. պատգամավորները մեկնաբանում են վարչապետին

  ԲՀԿ-ի քաղաքապետի թեկնածու, ԱԺ պատգամավոր Նաիրա Զոհրաբյանի կարծիքով՝ քարոզարշավն ընթանում է անհավասար պայմաններում. ինքը երևանցուն ներկայացնում է խնդիրների լուծման ծրագրեր, բայց զուգահեռ հարթակում հեղափոխական կոչեր են հնչում։

  «Մենք պետք է հասկանանք՝ հեղափոխության երկրորդ մոբիլիզացիա՞ն ենք հայտարարում։ Եթե մենք Երևանի ավագանու ընտրությունները պետք է վերածենք հեղափոխական երկրորդ գործընթացի, ապա ես ամենայն պատասխանատվությամբ վստահեցնում եմ՝ ինձանից ավելի մեծ հեղափոխական՝ թե՛ դուխով, թե՛խելքով, շատ քիչ կարելի է գտնել։ Բայց ես հարգում եմ երևանցուն, որովհետև նա ուզում է տեսնել իր խնդիրները լուծված։ Եթե երևանցին կասի, որ իրեն պետք են հեղափոխական կոչեր, մենք բոլորս հագնենք կամուֆլյաժները և այնպիսի հեղափոխական կոչեր անենք, որ բոլոր հեղափոխականները զարմանան», - ասել էր Նաիրա Զոհրաբյանը։

  Մանրամասն

  • ընտրություն
  • Ծառուկյան դաշինք
  • ՀՀԿ
  • ՀՅԴ
  • Ելք
• 

  Ընտրական հանցագործությունները քրեականացնող օրենսդրական փաթեթն ընդունվեց

  82 կողմ ձայնով, առանց դեմ ու ձեռնպահի, Ազգային ժողովը սեպտեմբերի 7-ին երկրորդ ընթերցմամբ և ամբողջությամբ ընդունեց ընտրական հանցագործությունների շրջանակն ընդլայնող և դրանց համար խիստ պատիժ սահմանող օրենսդրական նախաձեռնությունների փաթեթը: Գլխադասային հանձնաժողովում և առաջին ընթերցմամբ քննարկելիս ՀՀԿ-ականները խստորեն քննադատել էին առաջարկվող փոփոխությունները, նախագծերը որակել իրավական տեսանկյունից թերի ու անկատար, բայց վերջնական փուլում հայտարարեցին, որ կառավարությունը բարձր պրոֆեսիոնալիզմ է դրսևորել, ընդունել իրենց բոլոր առաջարկությունները, ու ստացվել է «ճիշտ» փաստաթուղթ: Մանրամասն

  • կառավարություն
  • ընտրություն
  • արտահերթ
  • օրենսդրություն
• 

  Պատժամիջոցների խստացո՞ւմ, թե՞ գաղութի ուղեգիր

  ԱԺ պետաիրավական հարցերի մշտական հանձնաժողովը սեպտեմբերի 5-ին քննարկել է կառավարության ներկայացրած՝ ընտրակեղծիքների համար սահմանված պատժամիջոցների խստացմանը վերաբերող նախագծերի փաթեթը: Այն քննարկելու և ընդունելու համար կառավարությունը սեպտեմբերի 6-ին ԱԺ արտահերթ նիստ է հրավիրել: Գործադիրն ակնկալում է, որ փոփոխությունը կընդունվի և ուժի մեջ կմտնի մինչև սեպտեմբերի 23-ը՝ Երևանի ավագանու արտահերթ ընտրությունները: Մանրամասն

  • ընտրություն
  • արտահերթ
  • օրենսդրություն