Parliamnet Monitoring

  • Facebook
  • Twitter

News

Մ. Գրիգորյան. Ես ճանապարհի կեսից փախչող չեմ

Մ. Գրիգորյան. Ես ճանապարհի կեսից  փախչող չեմ
Հարցազրույց Գյումրիի թիվ 34-րդ ընտրատարածքի պատգամավոր Մարտուն Գրիգորյանի հետ:

- Պարոն Գրիգորյան, սահմանադրական փոփոխությունների հանրաքվեին ընդամենը տասը օր է մնացել: Ձեր տպավորությամբ այսօր Գյումրիում այո-ի՞, թե՞ ոչ-ի կողմնակիցներն են շատ:

- Տրամադրությունները տարբեր են՝ կան և այո-ի, և ոչ-ի կողմնակիցներ, այս պահին դժվար է կոնկրետ պատասխանել: Մինչ քարոզարշավը այո-ի կողմնակիցներն ավելի քիչ էին, այս ընթացքում կարծես մի փոքր դրական տրամադրվածություն առաջացավ. ժողովրդի մոտ տեղեկության պակաս կար, և այս ընթացքում այդ բացը բավական լրացվեց: Այնուամենայնիվ, սահմանադրական փոփոխությունների նկատմամբ պասիվություն կա, իմ գնահատմամբ այս պահին հանրաքվեին գնալու ցանկություն չունեցողները մեծամասնություն են: Բայց դեռ ժամանակ կա, հուսանք, որ այս ընթացքում այո-ի և ոչ-ի կողմնակիցները կկողմնորոշեն ժողովրդին:
Մանրամասն
26/11/2015

Ես աշխատել եմ ձեր ասած «գենսեկի» ժամանակներում և լավ գիտեմ, թե այնտեղ ոնց էր

Ես աշխատել եմ ձեր ասած «գենսեկի» ժամանակներում և լավ գիտեմ, թե այնտեղ ոնց էր
Հարցազրույց Հանրապետական խմբակցության անդամ Հակոբ Հակոբյանի հետ:

- Պարոն Հակոբյան, սահմանադրական փոփոխությունների հանրաքվեի քարոզարշավի ընթացքում այցելե՞լ եք Տավուշի մարզի թիվ 41 ընտրատարածք, որտեղից պատգամավոր եք ընտրվել: Գիտե՞ք այդ փոփոխությունների նկատմամբ տավուշցիների վերաբերմունքը:

- Դեռ չեմ հանդիպել: ԱԺ այս նիստերից հետո պետք է հանդիպեմ ժողովրդի հետ, որպես նրանց կողմից ընտրված պատգամավոր` փորձեմ բացատրական աշխատանք տանել, ներկայացնել նոր սահմանադրական փոփոխությունների նախագծի դրական և գործող Սահմանադրության բացասական կողմերը:


Մանրամասն
18/11/2015

Խորհրդարանական 6 ուժերից միայն 4-ը անդամներ ունեն ընտրական բոլոր հանձնաժողովներում

Խորհրդարանական 6 ուժերից միայն 4-ը անդամներ ունեն ընտրական բոլոր հանձնաժողովներում
Խորհրդարանական կուսակցությունները մինչև նոյեմբերի 11-ը ժամանակ ունեին անդամներ նշանակելու դեկտեմբերի 6-ի սահմանադրական հանրաքվեից առաջ ձևավորված տեղամասային հանձնաժողովներում: 6 ուժերից միայն 4-ն են կարողացել ապահովել իրենց ներկայությունը բոլոր՝ 1997 հանձնաժողովներում:

«Այո»-ի կողմնակից ՀՀԿ-ն, ԲՀԿ-ն և ՀՅԴ-ն անդամներ են ներկայացրել բոլոր հանձնաժողովներում: «Ոչ»-ի ճամբարի կուսակցություններից միայն ՕԵԿ-ն է կարողացել անդամներ նշանակել տեղամասային բոլոր հանձնաժողովներում: ՀԱԿ-ը անդամներ չի ներկայացրել հանձնաժողովներից 245-ում, «Ժառանգությունը»՝ 118-ում:
Մանրամասն
15/11/2015

Է. Շարմազանով. Ուրախ եմ, որ ԲՀԿ-ն եկել է իմ կարծիքին

Է. Շարմազանով. Ուրախ եմ, որ ԲՀԿ-ն եկել է իմ կարծիքին
Հարցազրույց Ազգային ժողովի նախագահի տեղակալ, ՀՀԿ անդամ Էդուարդ Շարմազանովի հետ:

-Հանրաքվեին ընդառաջ՝ Հայաստանում քարոզարշավային շոու է անցկացվում. չե՞ք կարծում, որ սա յուրովի հաստատումն է ընդդիմադիրների այն տեսակետի, թե հանրաքվեի անցկացումը ոչ այլ ինչ է, քան իշխանության կողմից կազմակերպված շոու: 

-Յուրաքանչյուր ընտրական պրոսցես պիտի ունենա քարոզչության տարրեր, ու այդ շոուին ես դրական եմ վերաբերվում: Սա իրականում լավ հնարավորություն է ընդդիմության, ավելի կոնկրետ՝ ոչ ասողների համար: Հաճախ նրանք բողոքում են, որ ուղիղ եթեր իրենց չի տրվում. խնդրեմ, 10 օր կարողեն լինել ուղիղ եթերում:
Մանրամասն
15/11/2015

Կասեմ՝ եկեք համակարգը փոխենք, որ դու էլ լավ մեքենայով գաս, որ դու էլ ատամներ ունենաս

Կասեմ՝ եկեք համակարգը փոխենք, որ դու էլ լավ մեքենայով գաս, որ դու էլ ատամներ ունենաս
Հարցազրույց Հանրապետական խմբակցության պատգամավոր Մանվել Բադեյանի հետ:

- Պարոն Բադեյան, դուք Գեղարքունիկի մարզից մեծամասնական ընտրակարգով ընտրված պատգամավոր եք: Ձեր մարզում, ձեր ընտրատարածքում ինչպե՞ս եք պատրաստվում մասնակցել սահմանադրական փոփոխությունների քարոզարշավին:

- Ակտիվորեն: Մարդկանց հետ հանդիպումներ, բացատրական աշխատանք, քարոզչություն: Սահմանադրական փոփոխությունները ներկայացնելու եմ որպես քայլ առաջ դեպի ժողովրդավարական ինստիտուտների զարգացում, դեպի ժողովրդավարության սահմանում, դեպի ավելի էֆեկտիվ կառավարում, դեպի ավելի արդար ու թափանցիկ հասարակություն:
Մանրամասն
09/11/2015

Նորին մեծություն Սահմանադրությունը 4

Նորին մեծություն Սահմանադրությունը 4
Կամ ինչո՞ւ պետք է փոխվի Սահմանադրությունը

ԱԺ հանրապետական պատգամավոր Խոսրով Հարությունյանը 2015-ի հոկտեմբերի 14-ին Սահմանադրության փոփոխությունը պատճառաբանում էր գործող հիմնական օրենքի «կոնֆլիկտոգենությամբ»։ Ըստ նրա՝ հենց դրանով են պայմանավորված նախագահական ընտրություններին հաջորդող հետընտրական ճգնաժամերը։ Պատգամավորն այս կարծիքն արտահայտելիս, ըստ երեւույթին, մոռացել էր իր մեկ այլ՝ 15 տարի առաջ արած հայտարարությունը։ 2000թ. հունիսի 29-ին Հայաստանի երիտասարդական ազգային խորհրդի կազմակերպած հանդիպման ժամանակ հարցին, թե 1996, 1998, 1999թթ. տեղի ունեցած իրադարձություններն արդյո՞ք չեն նշանակում, որ ներքաղաքական ճգնաժամերը Սահմանադրությամբ են պայմանավորված, նշել էր, որ դրանցով «Սահմանադրությունն ապացուցեց իր կենսունակցությունը»։ Հակառակ դեպքում, ըստ նրա, մենք ճգնաժամերից դուրս չէինք գա։
Մանրամասն
08/11/2015

3 Այո՝ ընդդեմ 3 Ոչ-ի

3 Այո՝ ընդդեմ 3 Ոչ-ի
Դեկտեմբերի 6-ին Հայաստանի Հանրապետությունում անցկացվելու է Սահմանադրության փոփոխությունների հանրաքվե: Տեղի է ունենալու համապետական քվեարկություն, բայց ի տարբերություն համապետական մյուս միջոցառումների (նախագահական ու խորհրդարանական ընտրություններ)՝ այս անգամ քաղաքական կրքերը երկրում չեն եռում:

Մոտ մեկ ամիս՝ հոկտեմբերի 10-ից, սկսվել է քարոզչական շրջանը, միչդեռ այո-ի և ոչ-ի կողմնակիցները չեն շտապում քարոզել իրենց տեսակետները: Այո-ներն այս փուլում ընդամենը քարոզչական շտաբներ են կազմավորել. հայտնի են դրանց պետերն ու տեղեկալները, ոչ-երը զգուշացնում են, որ իշխող ՀՀԿ-ն օրենք է խախտում՝ շտաբի ղեկավար ու անդամներ նշանակելով վարչապետին ու նախարարներին: Նրանք խոստանում են՝ քարոզչությամբ զբաղվելու են ոչ աշխատանքային օրերին ու ժամերին: 
Մանրամասն
05/11/2015

Նորին մեծություն Սահմանադրությունը 3

Նորին մեծություն Սահմանադրությունը 3
Կամ ում գխին է իջնում «արդարադատության» մուրճը

1995 թվականի Սահմանադրությամբ ձեւավորվող Արդարադատության խորհուրդը չէր կարող դատական համակարգի համար անկախություն ապահովել, ու նախեւառաջ այն պատճառով, որ այն ղեկավարում էր ՀՀ նախագահը, իսկ փոխնախագահները արդարադատության նախարարն ու գլխավոր դատախազն էին։ 2005-ի սահմանադրական փոփոխություններից հետո արդեն Արդարադատության խորհուրդը ղեկավարում էր վճռաբեկ դատարանի նախագահը, նաեւ դատավորների ընդհանուր ժողովն ընտրում էր խորհրդի ինը անդամի։ Կարծես թե՝ դատական իշխանության անկախության ապահովման օրենսդրական հիմքերը դրվել էին եւ այժմ խոսքը դատավորներինն էր։ Սակայն, իրենց իշխանության դեմ ամենաշատը անցած տասնամյակում, կարծես, պայքարում էին հենց դատավորները՝ մոռանալով, որ իրենք իշխանության կրողն են եւ այդ իշխանության գործողությունների պատասխանատուն հենց իրենք են, այլ ոչ թե հանրապետության նախագահը։ Սակայն դատական մեր համակարգում հոռի ավանդույթներին հետեւելու ցանկությունն ավելի մեծ էր, քան՝ անկախ պետականությանը ծառայելու մղումները։
Մանրամասն
28/10/2015

Ընդդիմությունը թող դժգոհ զանգվածներին հավաքի ու մեծամասնություն կազմի

Ընդդիմությունը թող դժգոհ զանգվածներին հավաքի ու մեծամասնություն կազմի
Հարցազրույց Հանրապետական խմբակցության ղեկավար Վահրամ Բաղդասարյանի հետ:

- Պարոն Բաղդասարյան, սահմանադրական փոփոխությունների նախագծի վերջնական տարբերակը հոկտեմբերի 5-ին քվեարկվեց առանց քննարկվելու: Պատգամավորներից շատերը բողոքեցին, որ չհասցրեցին ծանոթանալ փոփոխությունների վերջնական տեքստին: Վերջին խմբագրումներից հետո նախագիծն ինչո՞ւ հապճեպ քվեարկության դրվեց:

- Պատգամավորներից շատերը բացարձակապես իրավունք չունեն բողոքելու, դրանք պարզապես պատրվակներ են: Մասնագիտական հանձնաժողովը խմբակցությունների կամ պատգամավորների հետ հանդիպումների ժամանակ նախապես ներկայացրել էր, թե որ առաջարկություններն են ընդունվել, որոնք՝ ոչ: Այդ հանդիպումներից հետո հանձնաժողովը պարզապես խմբագրական աշխատանք է արել: Այնուհետև հոկտեմբերի 5-ին, ժամը 9-ին վերախմբագրված նախագծը եկել է խորհրդարան: ՕԵԿ-ը հավանաբար ցանկանում էր արդարանալ, թե ինչու է ձեռնպահ կամ դեմ քվեարկել: Այսինքն՝ ուզում էին կողմ քվեարկել, բայց չհասցրեցի՞ն ծանոթանալ:
Մանրամասն
20/10/2015

Նորին մեծություն Սահմանադրությունը 2

Նորին մեծություն Սահմանադրությունը 2
Ընտրություններն ու ժողովրդավարությունը մարդկության այն ամենակարեւոր նվաճումն են, որը իշխանության համար պայքարը դարձրեց անարյուն եւ իրավական։ Սահմանադրական փոփոխությունների քննարկումների ժամանակ դրանք ԱԺ- ում ներկայացնող ՀՀ նախագահի ներկայացուցիչ Վարդան Պողոսյանը հիշեց հոկտեմբերի 27-ը՝ նշելով, որ 1995-ի Սահմանադրությունը կոնֆլիկտոգեն էր։ Ավելի ուշ՝ արդեն ԱԺ ամբիոնի մոտ հայտարարելով, որ «Ես երբեւէ չեմ ասել, որ կա պատճառահետեւանքային կապ 1999-ի նախագահի եւ պառլամենտական մեծամասնության հակասությունները՝ մի կողմից եւ մյուս կողմից՝ Հոկտեմբերի 27-ի միջեւ: Ես ասել եմ, որ այդ ժամանակ պառլամենտական ընտրություններից հետո առաջացել էր առճակատում մի կողմից ՀՀ նախագահի, մյուս կողմից՝ պառլամենտական մեծամասնության միջեւ: Այդ առճակատումը տեւել է մինչեւ 2000-ի գարունը, երբ պառլամենտական մեծամասնության եւ ՀՀ նախագահի միջեւ հարաբերությունները ինչ-որ ձեւով պարզվեցին», մոռացավ նշել, որ նույն այդ Սահմանադրությունը նման առճակատման լուծում տալիս էր։ Նախագահը պետք է ուղղակի սպասեր 1 տարի եւ հակասությունները չհարթվելու դեպքում արտահերթ խորհրդարանական ընտրություններ անցկացներ։
Մանրամասն
20/10/2015
1 2 3 4
Compare
 

Ով է քեզ ներկայացնում

  • Արխիվ

    • Facebook
    • Twitter