Parliamnet Monitoring

  • Facebook
  • Twitter

News

ՕԵԿ-ի ընդդիմության մեկ տարին

ՕԵԿ-ի ընդդիմության մեկ տարին
ՕԵԿ-ն սկսեց ուղիղ եթեր հեռարձակել Ազգային ժողովի բոլոր լիագումար նիստերը, ու դրան զուգահեռ խմբակցությունն սկսեց ակտիվանալ այնքան, որ ԱԺ նախագահ Գալուստ Սահակյանը հայտարարեց, թե խորհրդարանը չի հասցնում օրենքներ ընդունել ու պատգամավորներին հորդորեց խոսել կոնկետ ու հակիրճ: Բայց ԱԺ նախագահի հորդորին ՕԵԿ-ականները ականջալուր չեղան: ԱԺ վերջին քառօրյայի ընթացքում նրանք հարցեր ունեին գրեթե բոլոր նախագծերի վերաբերյալ, ելույթներ էին ունենում գրեթե բոլոր հարցերի շուրջ՝ բացատրելով, որ հարց տալու համար սահմանված 3 րոպեն բավարար չէ իրենց դիրքորոշումը ամբողջությամբ հայտնելու համար: 

Ավելի վաղ, սակայն, երբ կուսակցությունը դեռ կոալիցիայի անդամ էր ու չուներ ԱԺ նիստերը հեռարձակող իր հեռուստաալիքը, այդ ժամանակը միանգամայն բավարար էր: Այս գումարման 3-րդ նստաշրջանում, օրինակ, ըստ Parliamentmonitoring.am-ի տվյալների՝ խմբակցության բոլոր 6 անդամները միասին ունեցել են ընդամենը 15 ելույթ և տվել ընդամենը 9 հարց, ընթացիկ 7-րդ նստաշրջանում հարցերի թիվը ավելացել է 4 անգամ՝ դառնալով 36, իսկ ելույթները ավելի քան կրկնապատկվել են, մինչդեռ նստաշրջանը դեռ չի ավարտվել:
Մանրամասն
09/05/2015

Ի՞նչ վատ բան կա, երբ նույն նախագծի վերաբերյալ նույն խմբակցության երեք պատգամավոր ելույթ է ունենում

Ի՞նչ վատ բան կա, երբ նույն նախագծի վերաբերյալ նույն խմբակցության երեք պատգամավոր ելույթ է ունենում
Հարցազրույց Ազգային ժողովի «Օրինաց երկիր» խմբակցության ղեկավար Հեղինե Բիշարյանի հետ:

-ՕԵԿ-ը, մասնավորապես, վերջին շրջանում նկատելիորեն ակտիվացել է, և լինում են հարցեր, երբ ելույթ են ունենում խմբակցության բոլոր պատգամավորները: Չե՞ք կարծում, որ սա ինքնանպատակ ակտիվություն է, և հենց այսպիսի ելույթները նկատի ուներ ԱԺ նախագահը:

-Ցանկացած գումարման Ազգային ժողովում, ցանկացած քառօրյայում ՕԵԿ-ի գրեթե բոլոր պատգամավորները կոնկրետ հարցերի վերաբերող հայտարարություն են արել, կառավարության հետ հարց ու պատասխանի ժամանակ հասարակությանը հուզող հարցեր բարձրացրել: Ինչ վերաբերում է նախագծերի քննարկումներին. ի՞նչ տարօրինակ ու վատ բան կա, եթե նույն նախագծի վերաբերյալ խմբակցության երկու կամ երեք պատգամավոր ելույթ է ունենում կամ հարց տալիս: Հաճախ նույնիսկ 7-8 հարց տալու անհրաժեշտություն է լինում: Ինչպե՞ս կարող է մեկ պատգամավորը 3 րոպեի ընթացքում ձևակերպել բոլոր հարցերը: Անկախ նրանից, դա ում է դուր գալիս, ում՝ ոչ, ժողովուրդը մեզ վստահության քվե է տվել, որ Ազգային ժողովում իր խնդիրները բարձրացնենք, հարցեր տանք ու ելույթներ ունենանք»:

Ի՞նչ վատ բան կա, երբ նույն նախագծի վերաբերյալ նույն խմբակցության երեք պատգամավոր ելույթ է ունենում 
Մանրամասն
07/05/2015

Ռ. Քոչարյանը պակաս հանդուրժող էր և ավելի կոշտ

Ռ. Քոչարյանը պակաս հանդուրժող էր և  ավելի կոշտ
Հարցազրույց «Օրինաց երկիր» խմբակցության պատգամավոր Հովհաննես Մարգարյանի հետ: 

- Պարոն Մարգարյան, կա՞ նմանություն այն իրավիճակների միջև, որում 2006-ին «Օրինաց երկիրն» էր և այսօր «Բարգավաճ Հայաստան» կուսակցությունն է: 

- 2006թ. ՕԵԿ-ը դուրս եկավ կոալիցիայից, Արթուր Բաղդասարյանը հրաժարվեց Ազգային ժողովի նախագահի պաշտոնից, և մենք բռնեցինք պայքարի ուղին: Իհարկե, դժվար ճանապարհ է եղել: Մեր կուսակցությունից էլ պատգամավորները հեռանում էին, լքում էին կուսակցությունը, քանի որ արդեն ընդդիմություն էինք: Դա մեզ հիմք տվեց, որ 2010թ. դիմենք Սահմանադրական դատարան: ՍԴ-ն ընդունեց իր հայտնի որոշումը, որ համամասնական ընտրակարգով ընտրված պատգամավորը, երբ դուրս է գալիս խմբակցությունից, պետք է վայր դնի նաև իր մանդատը: Սա պատգամավորին պաշտպանում է ճնշումներից: Այսինքն՝ եթե նա դուրս է գալիս կուսակցությունից ու վայր է դնում մանդատը, ապա համամասնական ցուցակի հաջորդ անդամն է դառնում պատգամավոր:
Մանրամասն
28/02/2015

Բոյկոտի ուրվականը խորհրդարանում

Բոյկոտի ուրվականը խորհրդարանում
Բոյկոտը հայրենի խորհրդարանում սովորական երևույթ է: Նախադեպը վկայում է, որ ԱԺ նիստերը բոյկոտելու նախաձեռնությամբ առավելապես հանդես է գալիս խորհրդարանի մեծությամբ երկրորդ խմբակցությունը՝ հույսով, որ դրա արդյունքում կխաթարվի խորհրդարանի բնականոն աշխատանքը: Այդպես վարվեց, օրինակ, «Արդարություն» դաշինքը՝ 2004 թվականին: Այս գումարման Ազգային ժողովում մեծությամբ երկրորդը ԲՀԿ-ն է: Խմբակցությունը պատրաստվում է բոյկոտել առաջիկա քառօրյան, թեպետ սեփական փորձով գիտի, որ նույնիսկ ոչ իշխանական բոլոր խմբակցությունների միասնական բոյկոտից ԱԺ աշխատանքը չի խաթարվելու, Արտակ Խաչատրյանի հետ կապված միջադեպի մեղավորները չեն բացահայտվելու: 
Մանրամասն
10/02/2015

ՕԵԿ-ը սպասում է քառյակի մեսիջին

ՕԵԿ-ը սպասում է քառյակի մեսիջին
Հարցազրույց ԱԺ «Օրինաց երկիր» խմբակցության ղեկավար Հեղինե Բիշարյանի հետ:

-Ազգային ժողովի նախագահի պաշտոնում Գալուստ Սահակյանն ընտրվեց 101 կողմ, 3 դեմ ձայնով: Քվեարկությունը գաղտնի էր, բայց թվային պատկերը շատ խոսուն է:

-Ես պատկերի մասին ոչինչ ասել չեմ կարող, որովհետև հանձնաժողովի անդամ չունեմ, ու իմ մեկնաբանությունը կարող է լինել սուբյեկտիվ: Մենք մեր խմբակցության անդամներին թողել ենք ազատ, հետևաբար, չեմ կարող ասել, թե ով ինչպես է քվեարկել: 
Իսկ ինչո ՞ւ ՕԵԿ-ը մյուս ընդդիմադիր խմբակցությունների նման չհրաժարվեց քվեարկությանը մասնակցելուց ընդհանրապես: 
Որովհետև մենք կարծում ենք, որ պետք է ընտրական գործընթացներին մասնակից լինել, եթե անգամ արդյունքները կանխորոշված են: Ինքներս ենք քաղաքացիներին կոչ անում մասնակցել ընտրություններին, ու քաղաքական ուժերը պետք է նաև օրինակ լինեն հանրության համար: 

-Կարծում եք քաղաքական ուժերը և կոնկրետ ՕԵԿ-ը այսօր այնքան հեղինակություն ունեն, որ կարող են հասարակության համար օրինա ՞կ ծառայել: 

-Դուք Ձեր սուբյեկտիվ կարծիքով հարցադրում եք ձևակերպում: ՕԵԿ-ի հեղինակությունն այնքան է, որքան ինքը ձայն է հավաքում: ՕԵԿ-ը 17 տարի ձայն է հավաքել:

Մանրամասն
29/04/2014

Հ. Մարգարյանը՝ կուտակայինի ու արժանապատվության մասին

Հ. Մարգարյանը՝ կուտակայինի ու արժանապատվության մասին
Հարցազրույց ԱԺ ՕԵԿ խմբակցության պատգամավոր Հովհաննես Մարգարյանի հետ: 

-Կուտակային կենսաթոշակային համակարգի պարտադիր բաղադրիչի դեմ բողոքի ակցիաները նոր թափ են ստանում. օրենքի ընդդիմախոսները պատրաստվում են դիմել Սահմանադրական դատարան: Որպես կողմ քվեարկած պատգամավոր, մտահոգություններ չունե՞ք:

-Որևէ մտահոգություն չունեմ, որովհետև դա իրավունք է, և մարդիկ կարող են իրացնել: Ինքս բազմաթիվ անգամ եղել եմ Սահմանադրական դատարանում, ներկայացրել եմ հարցեր: 
Մանրամասն
08/12/2013

Փոխում են, որ սխալ չհասկացվի

Փոխում են, որ սխալ չհասկացվի
Այնքան էլ հաճախ չի պատահում, երբ գործադիրը որոշում է փոփոխել օրենքը` այն ընդամենը առավել հասկանալի դարձնելու ու տարընթերցումներից խուսափելու համար: «Կանանց և տղամարդկանց հավասար իրավունքների և հավասար հնարավորությունների ապահովման մասին» օրենքի փոփոխությունից կառավարությունը, ինչպես նշվում է Ազգային ժողովում շրջանառության մեջ դրված նախագծում, հենց այդ ակնկալիքն ունի: Այս օրենքում տարընթերցող ձևակերպումներն այնքան էլ շատ չեն, բայց մեծ է դրանց գործածությունը. «գենդեր և գենդերային» բառերը, որ դարձան հանրային քննարկման առարկա և, փաստորեն, օրենքը փոփոխելու պատճառ, մայիսի 20-ին ընդունված օրենքում կիրառված են ավելի քան 100 անգամ:
Մանրամասն
16/09/2013

Վերահսկիչ պալատը չի կարող ռևիզոր լինել. Մհեր Շահգելդյան

Վերահսկիչ պալատը չի կարող ռևիզոր լինել. Մհեր Շահգելդյան
-Հինգերորդ գումարման Ազգային ժողովի գործունեության առաջին տարին ավարտվեց:  Հանգիստ խղճո՞վ եք արձակուրդ գնում,  գո՞հ եք  ձեր խմբակցության աշխատանքից:
-Միշտ մտածում ես, որ կարելի է ավելին անել: Նույն մոտեցումը հիմա է: Բայց ընդհանուր առմամբ այս ընթացքում բավականաչափ բան արվել է՝ և օրենսդրական նախաձեռնությունների տեսանկյունից, և հարցապնդումների, հարցուպատասխանի, հայտարարությունների առումով:
Մանրամասն
03/07/2013

Անտեսվում են նաև կոալիցիոն գործընկեր ՕԵԿ-ի օրինագծերը

Անտեսվում են նաև կոալիցիոն  գործընկեր ՕԵԿ-ի օրինագծերը
5-րդ գումարման խորհրդարանում պաշտոնապես շրջանառության մեջ դրված, բայց նստաշրջանի օրակարգում դեռևս  չընդգրկված օրենսդրական նախաձեռնությունների վիճակագրությունը  բավական հետաքրքիր է. մոտ 9 տասնյակ  այդպիսի օրինագծերի մեծ մասի հեղինակը ԱԺ ոչ կոալիցիոն խմբակցություններն են: ՀՅԴ-ն ու ՀԱԿ-ը շրջանառության մեջ են դրել 9-ական, «Ժառանգությունը»՝ 4, ԲՀԿ-ն՝ 7 օրինագիծ: 
Մանրամասն
04/06/2013

ՕԵԿ-ն առաջարկում է հրաժարվել Դոնթի բանաձևից և ողջամիտ դարձնել ընդդիմության արտոնությունները

ՕԵԿ-ն առաջարկում է հրաժարվել  Դոնթի բանաձևից և ողջամիտ դարձնել ընդդիմության արտոնությունները
Համաձայն  ԱԺ կանոնակարգ  օրենքի՝  խորհրդարանական մշտական հանձնաժողովների նախագահների եւ նրանց տեղակալների պաշտոնները խմբակցությունների միջեւ բաշխվում են  ըստ Դոնթի բանաձևի. պաշտոնների  քանակն ուղիղ համեմատական է խմբակցության պատգամավորների թվին: 5-րդ գումարման ԱԺ 6 խմբակցություններից 4-ը նշված բանաձեւի կիրառման արդյունքում զրկվեցին մշտական հանձնաժողովի նախագահի պաշտոնում թեկնածու առաջադրելու իրավ
Մանրամասն
17/03/2013
1 2
Compare
 

Ով է քեզ ներկայացնում

  • Արխիվ

    • Facebook
    • Twitter