8-րդ գումարման Ազգային ժողովի «Պատիվ ունեմ» խմբակցությունը կազմված է 7 պատգամավորից։ 4-ը «Հայաստանի Հանրապետական կուսակցություն»-ից են, 2-ը՝ «Հայրենիք»-ից, 1-ը՝ անկուսակցական։ Կանայք խմբակցությունում 2-ն են։

«Հայաստան» խմբակցության ղեկավարը Արթուր Վանեցյանն է, քարտուղարը՝ Հայկ Մամիջանյանը։

ԱԺ 12 մշտական հանձնաժողովներից միայն մեկի՝ Մարդու իրավունքների և հանրային հարցերի մշտական հանձնաժողովի նախագահը «Պատիվ ունեմ» խմբակցությունից է։

«Պատիվ ունեմ» խմբակցությունը նոր քաղաքական ուժ է խորհրդարանում։ Այն ձևավորվել է 2021թ․ հունիսի 20-ի արտահերթ խորհրդարանական ընտրություններին մասնակցած «Պատիվ ունեմ» դաշինքից, որը կազմաված էր «Հանրապետական» և «Հայրենիք» կուսակցություններից։

Խմբակցության 7 պատգամավորներից 2-ը եղել են պատգամավոր նաև նախորդ գումարումներում․ Թագուհի Թովմասյանը 7-րդ գումարման պատգամավոր է դարձել «Իմ քայլի» հետ, Իշխան Զաքարյանը պատգամավոր է եղել 1-ին, 4-րդ, 6-րդ գումարումների ընթացքում՝ ԲՀԿ-ի և «Ծառուկյան դաշինք» խմբակցությունների կազմում։ Տարոն Մարգարյանը եղել է քաղաքապետ, Արթուր Վանեցյանը՝ ԱԱԾ պետ Նիկոլ Փաշինյանի կառավարությունում։