–ՀՀ նախագահը կիրակի հայտարարել է հրաժարական տալու որոշման մասին: Ձեզ կամ, ընդհանրապես, իշխող ուժի համար սպասելի՞ էր նման զարգացումը:
–Խնդիրն սպասել-չսպասելը չէ: Սահմանադրությունը հստակ կարգավորումներ ունի, և ես որևէ խնդիր չեմ տեսնում։
Մանրամասն
- Իսկ չունե՞ք մտավախություն, որ լրագրողական համայնքը կմիավորվի ու կբոյկոտի Ձեզ կամ ինչ-որ այլ բարոյական «պատժի» ենթարկի, հատկապես որ ԱԺ-ից էլ պահանջում են Ձեր «վարքագիծը քննելու համար» էթիկայի ժամանակավոր հանձնաժողով ստեղծել:
- Հաշվի առնելով հանգամանքը, որ լրատվականների 80 տոկոսից ավելին կոնկրետ քաղաքական ուժերի վերահսկողության տակ, եթե նրանք ինձ բոյկոտեն, ես միայն ուրախ կլինեմ:
Մանրամասն
-Հայաստանի և Թուրքիայի բանագնացների առաջին հանդիպումից հետո կրքերը խորհրդարանում չեն հանդարտվում, տեսնում ենք, որ Դուք էլ եք հաճախ ափերից դուրս գալիս։ Գուցե, իսկապես, ավելի նպատակահարմար կլիներ, որ բանագնացը ԱԺ փոխխոսնակը չլինե՞ր։
-Նախ՝ ընդդիմության պահվածքը բավականին կանխատեսելի էր. նրանք երբեք էլ աչքի չեն ընկել կառուցողականությամբ, և պետք է փորձեին վարկաբեկել գործընթացն ու ներկայացուցչին: Երկրորդ՝ ես ափերից դուրս չեմ եկել, ընդամենը կարգի եմ հրավիրել նրանց, որոնց պետք էր կարգի հրավիրել: Նաև չեմ կարծում, թե իրավիճակը չի հանդարտվում, հաջորդ օրերին աշխատանքը հանգիստ մթնոլորտում է անցել: Ասեմ ավելին․կարծում եմ, որ մեզ հաջողվեց ընդդիմադիր խմբակցություններին բերել բովանդակային դաշտ: Ինքնին բանավեճը նորմալ է, նորմալ չէ, երբ այն բովանդակային չէ: Իմ հարցադրմանն ի պատասխան՝ ընդդիմադիր խմբակցությունների ներկայացուցիչները հայտարարեցին, որ, այո՛, իրենք կողմ են առանց նախապայմանների Թուրքիայի հետ հարաբերությունների կարգավորմանը:
Մանրամասն
-ԱՄՆ՝ Ձեր այցը չեղարկելու մասին հայտարարություն տարածեցիք, բայց կարևորում եք միջազգային հարթակներում ասելիքը տեղ հասցնելու անհրաժեշտությունը։ Կար այդպիսի հնարավորություն, ինչո՞ւ չօգտվեցիք:
-Ինձ համար ինքնանպատակ չէր ԱՄՆ մեկնելը: Ինքնանպատակ չէր մեր ասելիքը ԱՄՆ օրենսդիր մարմնի ղեկավարի մոտ բարձրաձայնելը, ՀՀ անվտանգային հարցերի մասին խոսելը, Արցախում ադրբեջանցիների անմարդկային պահվածքի մասին խոսելը, ժողովրդավարական չափանիշներից ՀՀ ներսում շեղումն արձանագրելը: Եթե ինձ հանում են ամենակարևոր հանդիպումից, ընդ որում հանդիպմանը գնում է ԱԺ նախագահը, որ ՔՊ անդամ է, գնում է ԱԺ ՔՊ խմբակցության ղեկավար Հայկ Կոնջորյանը և ՀՀ դեսպան Լիլիթ Մակունցը, որը շատ մոտ անցյալում եղել է ՔՊ-ի խմբակցության ղեկավարը, և ՔՊ-ի քաղխորհրդի անդամ: Այսինքն, իշխանությունը որոշում է, որ ընդդիմությունը պետք է ներկայացված չլինի ամենակարևոր հանդիպմանը Նենսի Փելոսիի հետ, բայց իրենց հետ պետք էր գնալ, որպեսզի հանրությանը և միջազգային գործընկերներին ցույց տան, որ իրենք նաև ընդդիմությա՞նն են կարևորում:
Մանրամասն
-Ինչպե՞ս եք գնահատում սոցիալական վիճակը մեր երկրում։
- Կորոնավիրուսի համաճարակն ու պատերազմը լրացուցիչ սոցիալ–տնտեսական ծանրաբեռնվածություն են առաջացրել։ Երբ պատերազմի ժամանակ տնտեսությունը բերվում է ռազմական վիճակի, դրանից հետո առաջինն ի հայտ են գալիս սոցիալական խնդիրները և ավելացնում են արդեն գոյություն ունեցող բեռը։ Կորոնավիրուսն էլ տնտեսավարողներին լուրջ վնասներ պատճառեց։ Սոցիալական ապահովության ենթակառուցվածքն ուղղակի ճկվում է բեռի տակ։
ՄանրամասնԴիմիր պատգամավորին ամենակարճ ճանապարհով. գրիր նամակ նրա էլեկտրոնային հասցեին, ուղղիր քո հարցը, ներկայացրու քեզ հուզող խնդիրը, եթե դրա լուծումը պատագամավորի իրավասությունների շրջանակում է, կամ այդ մասին նա խոսել է նախընտրական շրջանում:
